Vastelaovendjveerders,
Vae hebbe d’r lang op mótte wachte, mer waat waas det ruig! ‘ne Kei-j sjieke Vastelaovendj hebbe
vae, Prîns Bas II, Prinses Pauline, Jeugdprîns Siem I en Jeugdprinses Fay, op Doospel bî-j de
Vlikkestaekers moge belaeve.
Wi-j gieët de Vastelaovendj op Doospel geveerdj waere nao ’n lang periode met Coronaperikele? Det
waas de vraog die edereîn zich veuraafgaondj aan de Vastelaovendj heet aafgevraogd. Vae kinne as
Prînsepare dees vraog inmiddels waal beântjwoorde met 3 G’s: Groeëts, Gewêldjig en met Gigantisch
völ.
Langs deze weeg wille vae edereîn bedânke dae z’n steinke heet bî-jgedrage aan de Vastelaovendj
2022/2023, mer ’n aantal minse in ’t bezûndjer:
As Jeugdprîns Siem I en Jeugdprinses Fay wille vae gaer edereîn bedânke di-j vör os deze speciale
1×11 jubileumeditie vör de Jóng Vlikke tot ’n fantastisch Vastelaovendjseizoen hebbe gemaaktj!
Same met oos Adjudânte Rick en Lyn, oze Jeugdraod van Elf en de Vrîndje van. Same zeen vae zoeën
4 maondje op paâd gewaesj. Vae hebbe zoeëvöl schoeën momênte mejgemaaktj, die zulle vae
noeëts mieër vergaete.
De aojers van de Jóng Vlikke; ’t waas te gek um same met jullie overâl haer te gaon. Begeledj door de
muzikale klânke van Dâns mer, Blitz en de Doospelse Aod Prînse. Overâl wao vae kwome woort ’t eîn
groeët fieëst!
As leste bedânke vae de commissie van de Jóng Vlikke. Vanaaf ’t ieërste momênt waas alles top
geregeldj. Bedânktj vör alles waat jullie vör os gedaon hebbe.
As Prîns Bas II en Prinses Pauline wille vae Vorst Eric, Veurzitter Mourk en de Raod van Elf en partners
bedânke vör ’t gewêldjige seizoen. ’n Speciaal woord van dânk vör oos Groentjes Marcel en Anita die
’t hieële seizoen vör os as begeleiders, raodgaevers en zelfs taxiservice klaor hebbe gestânge.
Bedânktj det vae dit same met jullie hebbe moge vere.
Verder wille vae oos femilie, vrîndje, Oze Hoempa, de Doospelse Aod Prînse, Dâns mer, de Jóng
Vlikke en de aojers van de Jóng Vlikke bedânke vör ’t make van ‘ne onvergaetelikke Vastelaovendj.
Ouch wille vae de Prînsepare van oos zöstervereîniginge van de Bengels, de Piepkukes en de
Pinmaekers bedânke det vae same Vastelaovendj in de Gemeîndje Ni-jwieërt weer oet de startblokke
hebbe laote schete!
Last but not least wille vae as Prînsepare van Doospel alle optochtdaelnemers en ’t Optochtcomité
bedânke, waat waas ’t weer schoeën dit jaor! Zoeëvöl daelnemers, groeët en klein, met allemaol
schoeën en ludieke ideeë. Wao ’n klein dörp as Doospel groeët in kân zeen!
Allemaol hieël êrg bedânktj en völ van jullie zeen vae volgendj jaor weer trök.
Prîns Bas II en Prinses Pauline
Prîns Siem I en Prinses Fay
